İzzət Bağırov a Efir Məhdudiyyəti
Müğənninin fikrincə, bəzi telekanallar və radio dalğaları onun yaradıcılığına maraq göstərmirlər
Vaxtilə siması ekranların yaraşığına çevrilən müğənni İzzət Bağırov indi bunun xiffətini çəkir. Müğənninin etirafına görə, bir neçə kanalda, eyni zamanda, radio dalğalarında onun musiqi nömrələrinə az rast gəlmək olur. Elə radio dalğaları var ki, müğənninin ifasını aylarla səsləndirmir. Bu qənaətdə olan İzzət Bağırov məhdudiyyətin səbəbini anlaya bilmədiyini söylədi: "ATV telekanalı və onun iki radiosundan başqa, digər kanallar mənim yaradıcılığıma soyuq yanaşırlar. Hətta vətənpərvər mahnılarım belə xüsusi günlərdə səsləndirilmir".Bəzi verilişlərin "pullu xidmət"ə keçdiyini müğənninin diqqətinə çatdıranda müğənni sənətinin pulla ölçülmədiyini qətiyyətlə söylədi:
"Düşünmürəm ki, gənc yaşlarından sənətdə olan, "7-17"nin unudulmaz iştirakçılarından olan bir sənət adamından maddiyyat tələb edilsin. Əgər belə niyyəti olan varsa, bunu ağlından tamamilə silsin. Çünki kifayət qədər sənət təcrübəsi olan bir insanın tamaşaçının qarşısına pul gücünə çıxmasını qəbul edə bilmirəm".
Buna baxmayaraq, qapı döymək niyyətində olmayan İzzət Bağırov mahnılarının onsuz da sevildiyini qeyd etdi.//Ayna
Baxış sayı: 84
Açar sözlər: izzət
