İncil haqqında
İncilə 27 kitab daxildir. Bu kitablar İsa Allahın dərgahına çəkildikdən 50 il sonra 10 müəllif tərəfindən Yunan dilində yazılmışdır. Bu kitabların insan tərəfindən yazılmasına baxmayaraq, müəlliflər Allah tərəfindən idarə edilmiş, Müqəddəs Ruh vasitəsilə ilhamlandırılmışlar. Allah xəbərini öz ardıcıllarına vermiş və sonradan onlar Allahın Sözünü kitaba köçürmüşlər. Allah tərəfindən göndərilən peyğəmbərlər Allahın onlara nazil etdiyi sözləri insanlara çatdırdığı kimi, İncilin müəllifləri də Allahın onlara nazil etdiyi sözləri, vəhyləri və şahidi olduqları hadisələri Müqəddəs Ruhun qüvvəsi və köməyi ilə Kitaba yazmışlar. Bu haqda İncildə 2 Peter 1-ci fəsil, 20-21-ci ayələrdə deyilir:'' çünki peyğəmbərlik heç zaman insan iradəsilə gəlməmişdir. Lakin Allahın müqəddəs insanları, Müqəddəs Ruh tərəfindən hərəkətə gətirilərək danışırdılar''. İncil Allahın yazılmış kəlamı və həqiqətidir. Çoxları İncilin dəyişdirildiyini iddia edirlər, lakin onların əsassız etirazlarına heç bir sübut yoxdur. Əksinə, kəlamın dəyişdirilmədiyinə isə sübutlar çoxdur.
Baxış sayı: 105
Açar sözlər: incil
